ಅಂಕ 1: ನಾಟಕವು ಅಜ್ಞಾತ ಎಂಬ ನಿಗೂಢ ಪಾತ್ರ ಮತ್ತು ಕಥೆಗಾರ ಅಂಥೋನಿ ಪ್ರೇಕ್ಷಕರನ್ನು ಉದ್ದೇಶಿಸಿ ಮಾತನಾಡುವುದರೊಂದಿಗೆ ಪ್ರಾರಂಭವಾಗುತ್ತದೆ ನಂತರ ವಾಸ್ತವಿಕತೆ, ಕನಸುಗಳು ಮತ್ತು ರಂಗಭೂಮಿಯ ನಡುವಿನ ಗಡಿಗಳೊಂದಿಗೆ ಹೋರಾಡುತ್ತಿರುವ ಉತ್ಸಾಹಭರಿತ ನಟ ವಿಶ್ವನ ಕಡೆ ತಿರುಗುತ್ತದೆ. ವಿಶ್ವ ತಾನು ಕಾಣುವ ಕನಸುಗಳನ್ನು ವಾಸ್ತವದಲ್ಲಿ ಅನುಭವಿಸುತ್ತಿದ್ದಂತೆ, ಹಾಗೆಯೇ ಅವನು ಆದರ್ಶೀಕರಿಸಿದ ಪ್ರೀತಿಯನ್ನು ಪ್ರತಿನಿಧಿಸುವ ಸುಂದರ ಮಹಿಳೆ ವಾಣಿ ಮತ್ತು ತನ್ನೊಳಗಾದ ಬದಲಾವಣೆಗೆ ಸಂಬಂಧಿಸಿದ ಕೋಪ ಮತ್ತು ಪ್ರತಿರೋಧವನ್ನು ಪ್ರತಿನಿಧಿಸುವ ಶಿವನಂತಹ ನಿಗೂಢ ವ್ಯಕ್ತಿಗಳನ್ನು ಎದುರಿಸುತ್ತಿದ್ದಂತೆ ಅವನ ಜೀವನವು ಹೆಚ್ಚು ಹೆಚ್ಚು ಅವಾಸ್ತವಿಕವಾಗುತ್ತ ಹೋಗುತ್ತದೆ. ಈ ಹೋರಾಟ ನಾಟಕೀಯ ಮುಖಾಮುಖಿಯಲ್ಲಿ ಸಿಲುಕಿಕೊಳ್ಳುತ್ತದೆ. ಅಲ್ಲಿ ವಿಶ್ವನ ಕನಸುಗಳು ಮತ್ತು ಆತನ ವಾಸ್ತವವು ಪರಸ್ಪರ ಡಿಕ್ಕಿ ಹೊಡೆಯುತ್ತವೆ. ಅವನ ಇಡೀ ತಂಡವು ಬಯಕೆ, ಅಹಂ ಮತ್ತು ಅಸ್ತಿತ್ವದ, ಅನುಮಾನದ, ಅವ್ಯವಸ್ಥೆಯ ಜಾಲದಲ್ಲಿ ಸಿಲುಕಿಕೊಳ್ಳುತ್ತದೆ.

ಅಂಕ 2: ನಿರ್ದೇಶಕಿ ಅಕ್ಷರಾ, ನಾಟಕದ ಹಿಂದಿನ ಉದ್ದೇಶ ಬಹಿರಂಗಪಡಿಸುತ್ತಾ, ತನ್ನದೊಂದು ಕಥೆಯನ್ನು ಹಂಚಿಕೊಳ್ಳುತ್ತಾಳೆ. ತನ್ನ ಕನಸಿನಲ್ಲಿ, ಅಕ್ಷರಾ ಒಬ್ಬ ಮುದುಕನನ್ನು ಭೇಟಿಯಾದಳು, ಅವನು ಸುಂದರವಾದ ಉದ್ಯಾನವನ್ನು ಸೃಷ್ಟಿಸಿ,ಅದು ಮಾನವನ ದುರಾಸೆ, ಸಂಘರ್ಷದಿಂದ ನಾಶವಾಗಿದ್ದನ್ನು ನೋಡಿದ್ದನು. ಅಕ್ಷರಾಳ ದೃಷ್ಟಿ ಸತ್ಯ ಮತ್ತು ಅರ್ಥದ ಹುಡುಕಾಟಕ್ಕೆ ರೂಪಕವಾಗುತ್ತದೆ. ಅಜ್ಞಾತ ಪಾತ್ರವು ನಟರ ಗ್ರಹಿಕೆಗಳನ್ನು ಸವಾಲು ಮಾಡುತ್ತ, ಕನಸುಗಳು ಮತ್ತು ವಾಸ್ತವವು ಹೆಣೆದುಕೊಂಡಿವೆ ಎಂಬ ಕಲ್ಪನೆಯನ್ನು ಪರಿಚಯಿಸುತ್ತದೆ. ಅಜ್ಞಾತರಿಂದ ಮಾರ್ಗದರ್ಶನ ಪಡೆದು, ತಮ್ಮ ವಾಸ್ತವ ಅರ್ಥಮಾಡಿಕೊಂಡು ಅದನ್ನು ಪರಿವರ್ತಿಸಲು ಬಯಸುವ ಅಕ್ಷರಾಳ ಕನಸಿನ ಲೋಕವನ್ನು ಗುಂಪು ಪ್ರವೇಶಿಸುತ್ತದೆ.

ಅಂಕ 3: ಕನಸಿನ ಲೋಕದಲ್ಲಿ ಸಾಗುವಾಗ, ಅವರು ಕೊಳೆತ ಭೂಮಿ ಮತ್ತು ಬದಲಾವಣೆಯ ಅಪೂರ್ಣ ಬೀಜಗಳನ್ನು ಎದುರಿಸುತ್ತಾರೆ. ಸ್ವಾರ್ಥ ಮತ್ತು ಅಹಂಕಾರವು ಬೀಜಗಳು ಬೆಳೆಯದಂತೆ ತಡೆಯುತ್ತದೆ ಎಂದು ಅಜ್ಞಾತ ಬಹಿರಂಗಪಡಿಸುತ್ತ, ಸ್ವಯಂ ಅರಿವು ಮತ್ತು ಅಂತರಿಕ ರೂಪಾಂತರದ ಅಗತ್ಯವನ್ನು ಒತ್ತಿಹೇಳುತ್ತದೆ. ನಿಜವಾದ ಬದಲಾವಣೆಯು ತನ್ನೊಳಗೆ ಪ್ರಾರಂಭವಾಗುತ್ತದೆ ಎಂದು ಗುಂಪು ಅರಿತುಕೊಳ್ಳುತ್ತದೆ. ಸಮಾಪ್ತಿ: ಸತ್ಯ ಮತ್ತು ಬದಲಾವಣೆಗಾಗಿ ಅಂತಿಮ ತ್ಯಾಗವನ್ನು ಸಂಕೇತಿಸುವ ವಿಶ್ವನ ನಿರ್ಜೀವ ದೇಹವನ್ನು ಕಂಡುಹಿಡಿಯುವ ಪ್ರಬಲ ದೃಶ್ಯದೊಂದಿಗೆ ನಾಟಕವು ಕೊನೆಗೊಳ್ಳುತ್ತದೆ. ಅಂಥೋನಿ ಹೃದಯಸ್ಪರ್ಶಿ ವಿದಾಯವನ್ನು ಹಂಚಿಕೊಳ್ಳುತ್ತಾ, ಗುಪ್ತ ಸತ್ಯಗಳು ಮತ್ತು ಪಾತ್ರಗಳ ಪ್ರಯಾಣದ ಪರಂಪರೆಯ ಆಲೋಚನೆಯಲ್ಲಿ ಪ್ರೇಕ್ಷಕರನ್ನು ಬಿಡುತ್ತಾನೆ. ಅಂತಿಮ ಕ್ಷಣಗಳು ಸಕಲಜೀವಿಗಳ ಏಕತೆ ಮತ್ತು "ವಿಶ್ವಂ" ನ ವಿಶಾಲ ವಿಸ್ತಾರದಲ್ಲಿ ಅರ್ಥಕ್ಕಾಗಿ ನಡೆಯುತ್ತಿರುವ ಅನ್ವೇಷಣೆಯನ್ನು ಒತ್ತಿಹೇಳುತ್ತವೆ.